اقوام متحدہ ۔ 12 نومبر (اے پی پی) اقوام متحدہ دے سیکرٹری جنرل دے نائب ترجمان فرحان حق آکھیے جو ہیٹی اچ گزریل 9 مہینے توں ہیضے دا کوئی کیس رپورٹ کائنی تھیا ۔ترجمان میڈیا بریفنگ دے دوران ڈسائے جو ہیٹی کیتے اقوام متحدہ دے خصوصی نمائندہ جوزٹ شیران دے مطابق ہیٹی اچ گزریل 9مہینے توں ہیضے دا کوئی نواں کیس رپورٹ نہ تھیونڑ ہیضے دی وبا دے خلاف گزریل 9سالہ تاریخ اچ سنگ میل دی حیثیت رکھیندے اتے اے سنگ میل عبور کرنڑ ہک جامع پلان نال ممکن تھئے جیں دے بہترین نتیجے سامنڑے آئن ۔ جوزٹ شیران ڈسائے جو یونیسیف اتے ہیٹی دی وزارت صحت دی تشکیل ڈتی گی ٹیم ثابت کیتے جو ہک موثر الرٹ دے تحت ہیضے دی وبا تے قابو کیتا ونج سگدے ۔
