دوحہ ۔ 3 دسمبر (اے پی پی) وزیر خارجہ شاہ محمود قریشی آکھیا جو کے ایل سمٹ مسئلیاں تے اوکھ نال موثر انداز نال نبڑنڑ اتے انہاں دے مقابلے رستے کھولنڑ اچ مدد ڈیسی،حکمرانی،ترقی،ماحولیاتی تبدیلی،دہشت گردی اتے اسلام توں خوف جیہے مسئلیاں نال نبڑنڑ سانگے رل تے حکمت عملی بنڑاونڑ دی لوڑھ اے،کے ایل سمٹ اچ شامل ملکاں نال پاکستان دے گھاٹے،تاریخی اتے مذہبی تعلقات ہن،اساں کلیدی پلیٹ فارم نال انہاں تعلقات کوں کوں بیا ودھاونڑ چاہندے، انڈونیشیا، ملائیشیا، پاکستان، قطر، ایران اتے ترکی اجتماعی طورتے کل جی ڈی پی دا 50 فیصد بنڑدن،اساں اپنڑی سیاسی تے سفارتی گنجائش لازمی ودھاونڑی پمسی،اساں مستقل دی راہ کوں بیا روشن کرنڑ سانگے منتظر ہیسے۔منگل کوں ڈوجھے کے ایل سمٹ وزارتی اجلاس( دوحہ، قطر) نال خطاب کریندیں ہوئیں وزیرخارجہ آکھیا جو سمٹ تے پہلی غیر رسمی مشاورت 4توں5نومبر کوں کوالالپمور اچ تھئی جیڑھی جو فائدے مند رہی،ایں مشاورت نال کے ایل سمٹ دے عمل کوں واضح کرنڑ اتے ہرملک دی توقعات اتے تجویزاں توں سکھنڑ دا موقع ملیے،کے ایل سمٹ دے فریم ورک دے اندر رہندیں ہوئیں تعاون سانگے اجوکی تجویزاں تے کم کریندے پیوں اتے اساں تجارت،سیاحت،اسلامی بینکاری،خوراک دے تحفظ،اعلیٰ تعلیم،سائنس تے ٹیکنالوجی اتے تریمتیں کوں بااختیار بنڑاونڑ دے شعبیاں اچ تعاون دی تجویز وی ڈتی اے۔
