راولپنڈی ۔ 4 دسمبر (اے پی پی) وفاقی وزیر ریلوے شیخ رشید احمدآکھیے جو چیف آف آرمی سٹاف دی مدت ملازمت اچ توسیع بارے قانون سازی کیتے حکومت کولوں نمبر پورے ہین،اگلے چھی مہینے اہم ہین،آرمی چیف دی ضرور ایکسٹینشن تھی ویسی،عالمی مالیاتی ادارے وی پاکستان دی اقتصادی بہتری منیندے پین۔اے گالھ وزیر ریلوے راولپنڈی چیمبر آف کامرس اینڈ انڈسٹری دے دورے ویلھے تاجراں نال خطاب اتے میڈیانال الویندے آکھی۔ انہاں آکھیا جو آئی ایم ایف دے صدرمنیے جو پاکستان مثبت پاسے دو ٹردا پئے، موڈیز اتے بئے اداریاں وی پاکستان دی کارکردگی منی اے۔انہاں آکھیے جو آرمی چیف دی مدت ملازمت اچ توسیع کیتے حکومت کوں کوئی پریشانی کائنی، انہاں دی مدت بئی ودھ ویسی جیندے کیتے حکومت کولوں سادہ اکثریت موجود اے۔انہاں آکھیا جو مولانا فضل الرحمان حکومت ونجنڑ کیتے دسمبر دی ضرور گالھ کیتی اے بھل سال کوئی نئیں ڈسیا، او وڈے سیانڑے ہین۔ ہک سوال دے ولدے اچ شیخ رشید آکھیا جیکر نوازشریف بیرون ملک ونج سگدن تاںا ٓصف زرداری کوں وی ریلیف ملنڑا چاہیدے جو او بیمار ہین۔
