اسلام آباد ۔ 18 دسمبر (اے پی پی) اجوکے مالی سال براہ راست غیر ملکی سرمایہ کاری (ایف ڈی آئی) اچ 78 فیصد ودھارا تھئے ۔ سٹیٹ بینک آف پاکستان (ایس بی پی) دے اعدادو شمار دے مطابق جاری مالی سال اچ جولائی توں نومبر 2019ء850 ملین ڈالر دی ایف ڈی آئی کیتی گی اے جڈاں جو گزریل مالی سال اچ جولائی توں نومبر 2018ءایف ڈی آئی دی مد اچ 477.3 ملین ڈالر دی سرمایہ کاری کیتی گئی ہئی ۔ اینویں گزریل مالی سال دے مقابلے اچ اجوکے مالی سال دے پہلے پنج مہینے اچ ملک اچ کیتی گئی براہ راست غیر ملکی سرمایہ کاری اچ 372.7 ملین ڈالر یعنی 78 فیصد ودھارا ریکارڈ کیتا گے۔ ایس بی پی دے مطابق اجوکے مالی سال براہ راست غیر ملکی سرمایہ کاری دی شرح ودھارے دے نال باہرلے ملک منتقل کیتے گے منافع جات اچ وی ودھارا تھئے تے گزریل مالی سال دے پہلے پنج مہینے دے 326 ملین ڈالر دے مقابلے اچ جاری مالی سال اچ 1.176 ارب ڈالر دی منتقل کیتی گی ۔ اقتصادی ماہرین آکھیے جو ایف ڈی آئی اچ تھیونڑ آلا ودھارا قومی معیشت کیتے مثبت اے جڈاں جو ایندے نال زرمبادلہ دے ذخیرے تے دباﺅ اچ وی کمی تھی اے ۔
