اقوام متحدہ ۔ 10 دسمبر (اے پی پی) اقوام متحدہ دی جنرل اسمبلی دے اجلاس اچ روس دی یوکرین دے جنوبی جزیرہ نما کریمیا توں اپنڑیاں فوجاں کڈھنڑ تے دیر کیتے بغیر اپنڑاں قبضہ مکاونڑ کیتے قرار داد پیش کرڈتی گی اے ۔ اجلاس اچ اقوام متحدہ دی جنرل اسمبلی دے 193رکن ملکاں اچوں 63 قرارداد دے حق اچ ووٹ ڈتے ، 19 مخالفت، 45 ووٹ کائنی ڈتا جڈاں جو بہوں سارے مغربی ملکاں قراداد دی حمایت کیتی اے ۔ قرارداد اچ ایں گال تے تشویش کیتی گئی اے جو کریمیا تے روسی فوجاں دا ودھارا نہ صرف قابض اقتدار کوں سامنڑے گھن آندے بلکہ روس یوکرین دے فوجی اداریں دا استعمال کریندے ہوئیں کریمین رہائشیاں کوں روسی فوج اچ وی رلا گھدے ۔ قرارداد اچ نہ صرف روسی فیڈریشن ولوں یوکرین دے خلاف فوج دے استعمال تے جھیڑا ودھنڑ دا ڈر ظاہر کیتا گے بلکہ کریمیا دے نیڑے بحراوقیانوس وچال بحئیرہ اسود تے ایندے نال رلیے آبنائے ازوو اتے کیرچ سٹریٹ سمندر اچ روسی اقدامات تے وی تشویش کیتی گئی اے ۔
