دبئی۔ 05دسمبر(اے پی پی) متحدہ عرب امارات دا پاسپورٹ دنیا اچ ساریں توں طاقت ور ترین پاسپورٹ اے جیں تے 179ملکاں دا سفر ویزے دے بغیر کیتا ونج سگدے ۔العربیہ نیوز دے مطابق متحدہ عرب امارت دے پاسپورٹ پورے ہک سال تئیں ”پاسپورٹ انڈیکس“ اچ دنیا دے طاقت ور پاسپورٹ ہوونڑ دا ریکارڈ قائم کیتے ۔دسمبر 2018 اچ اماراتی پاسپورٹ کوں پوری دنیا اچ پہلی پوزیشن ملی ہئی ہنڑ تئیں اے اپنڑی پوزیشن برقرار رکھی ہوئی اے تے اماراتی پاسپورٹ دا حامل پوری دنیا دے 179 ملکاں دا سفر ویزے دے کیتا ونج سگدے ۔ دنیا دے ساریں توں طاقتور پاسپورٹ اتے ڈوجھے نمبر تے آونڑ آلے پاسپورٹ دے درمیان 8 ملکاں دا فرق پاتا ویندے ۔ واضح رہے جو اماراتی لوک دنیا دے 90 فیصد ملکاں دا سفر بغیر ویزے دے کرسگدن ۔
