واشنگٹن ۔ 11 دسمبر (اے پی پی) امریکی ریاست ٹیکساس دے وفاقی جج ڈیوڈ برونیز ٹرمپ انتظامیہ ولوں پینٹاگون دے فنڈز اچ سرحدی دیوار بنڑاونڑ کیتے 3.6 بلین ڈالر دے استعمال دی کوشش کوں روک ڈتے ۔مقامی میڈیا دے مطابق جج ایل پاسو کاونٹی ، ٹیکساس اتے انسانی حقوق کیتے بارڈر نیٹ ورک دے حق اچ فیصلہ ڈتے ۔مدعیاں دا موقف ہئی جو صدر دا اعلان قومی ایمرجنسی ایکٹ دے ہنگامی معیار تے پورا نی لہندا ۔ وفاقی جج ڈیوڈ برونیز دے مطابق ٹرمپ امریکی جنوبی سرحد دے نال ودھیک رکاوٹاں بنڑاونڑ کیتے فوجی تعمیراتی رقم استعمال نی کرسگدے مناسب غورتے فکر دے بعد عدالت دی صلاح اے جو مدعیاں دے حق اچ ہک فیصلہ ساز فیصلہ تے مستقل حکم امتناع ڈتا ونجے ، ایں بارے مزید بریفنگ سنڑنڑ دے بعد فیصلہ ڈیسی جو حکم کتنا وسیع تھی سگدے ۔عدالت آکھیا جو اج دا حکم ایں گال دی تصدیق کریندے جو صدر بادشاہ کائنی تے جڈاں او اپنڑی حد توں ودھ ویندن تاں اساڈیاں عدالتاں ایندی پڑتال کوں تیار ہن ۔واضع رہے جو ستمبر اچ امریکی وزیر دفاع مارک ایسپر جنوبی سرحد دے نال 11 سرحدی وال پروجیکٹس کیتے فوجی تعمیراتی فنڈز اچ 3.6 بلین ڈالر دی منظوری ڈتی ہئی ۔
