امریکی کمیشن امیت شاہ اتے بی جے پی دے بئے لیڈراں دے خلاف پابندیاں دا مطالبہ کرڈتے

واشنگٹن۔ 10 دسمبر (اے پی پی)بین الاقوامی مذہبی آزادی بارے امریکی کمیشن شہریت دے متنازعہ بل دی بھارتی ایوان بالا راجیہ سبھا توں منظوری دی تھیونڑ تے بھارت دے وزیر داخلہ امیت شاہ اتے بی جے پی دے بئے رہنماواں دے خلاف پابندی دی تجویز ڈتی اے ۔ کشمیر میڈیا سروس دے مطابق کمیشن لوک سبھا دی طرفوں متنازعہ بل دی منظوری دے بعد جاری ہک مختصر بیان اچ آکھیے جو اے بل وی غلط تے خطرناک اقدام اے ۔ اے بل بھارت دے سیکولر نظریات اتے آئین جیں دے تحت عقیدے دی بنیاد تے امتیاز روا رکھیے بغیر مساوی حقوق دی ضمانت ڈتی گئی اے اوندی خلاف ورزی اے ۔ کمیشن اچ امریکی صدر ڈونلڈ ٹرمپ دے نامزد کیتے گے نمائندے تے امریکی کانگرس دے ڈوہیں ایواناں دے اکثریتی اتے اقلیتی لیڈرشامل ہن ۔ بیان اچ آکھیا گے شہریت دا اے متنازعہ بل ابتدائی طورتے امیت شاہ پیش کیتے ، بل اچ غیر رجسٹرڈ مسلماناں دی شہریت مکاونڑ تے تجویز شامل ہئی ۔ کمیشن آکھیے جو اے بل مہاجرین دی شہریت دا قانونی طریقہ کار ڈیندے جیں دے تحت مسلماناںدی شہریت ختم کرڈتی گئی اے ۔ امریکی کمیشن ڈر ظاہر کیتے جو آسام اتے پورے ملک اچ جاری شہریاں دے رجسٹریشن دے عمل دے ذریعے بھارتی حکومت کروڑاں مسلماناںکوں مذہبی بنیاداں تے شہریت توں محروم کریندی پئی اے ۔