لاہور۔10 دسمبر(اے پی پی )ڈپٹی سپیکر پنجاب اسمبلی سردار دوست محمد مزاری انسانی حقوق دے عالمی ڈینھ تے گال مہاڑ کریندے ہوئیں آکھیے جو ہرسال 10دسمبر کوں عالمی سطح تے انسانی حقوق دا ڈینھ منایا ویندے ، جیں دا مقصد انسانی حقوق دا پرچار، شعور ڈیونڑ تے اپنڑیاں ذمے واریاں کوں نبھاونڑ دا عہد اے ۔انسانی حقوق دے عالمی دستور دے مطابق ہر انسان صحت، تعلیم، روزگار، آزادی اظہار رائے دا حق رکھیندے حکومتاں بنےادی حقوق دی عزت،حفاظت اتے تکمیل دیاں ذمے وار ہن ۔ انہاں مزید آکھیے جو اقوام متحدہ دے وجود دا بنیادی مقصد وی عالمی سطح تے امن اتے برابری اے ،انسانی حقوق دی پاسداری کوں یقینی بنڑاونڑ نال نہ صرف معاشرے اچ انصاف قائم تھیندے بلکہ معاشی بہتری دا سفر وی اتھاﺅں شروع تھیندے ۔ انہاں اقوام عالم دی توجہ کشمیر دے پاسے کرویندے ہوئیں آکھیا جو بھارت ولوں کشمیر اچ انسانی حقوق دی پامالی عروج تے ہے ،نہتے کشمیری 128ڈینھ توں ظلم دا مقابلہ کریندے پن دنیا اتے انسانی حقوق دیاں تنظیماں موثر کردار ادا کرن۔
