اسلام آباد ۔ 4 دسمبر (اے پی پی) وزیر اعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو انفورسمنٹ آف ویمن پراپرٹی رائٹس آرڈیننس اچ ترمیم دی کابینہ توں توثیق وزیراعظم عمران خان دے تریمتاں کوں بااختیار بنڑاونڑ تے جائیداد اچ حصہ دا بنڑاونڑ دے عزم دی تکملی دے پاسے ہک عملی قدم اے ،تریمتاں کوں طاقت ور معاشرے اچ انہاں دے فعال کردار کوں یقینی بنڑاونڑ نویں پاکستان دا مشن اے ۔بدھ کوں ہک ٹویٹ اچ ڈاکٹر فردوس عاشق اعوان آکھیا جو تریمتاں دے حقوق دے تحفظ تے ودھارے کیتے قانون سازی وزیراعظم عمران خان دی قیادت اچ نویں پاکستان اچ نویں دور دا آغاز اے اتے اے تریمتاں کوں بااختیار بنڑاونڑ کیتے اہم پیشرفت اے ۔انہاں آکھیا جو وزیراعظم عمران خان لیٹرآف ایڈمنسٹریشن اینڈ سکسیشن سرٹیفکیٹس آرڈیننس2019ءدا 6 دسمبرکوں باقاعدہ نفاذ کرنڑ ویندے پن، اے قانون ملکی تاریخ اچ حق وراثت دے تعین اچ سنگِ میل اے۔ ڈاکٹر فردوس عاشق اعوان آکھیا جو ایندے نال کئی سالاں توں زیرسماعت مقدمیں ڈینھاں اچ نبڑسن تے ملک ت باہرلے ملک وسنڑ آلے پاکستانیاں کوں فائدہ تھیسی ۔
