او آئی سی کوں کمزور نہ کیتا ونجے، انور قرقاش دی چتاونڑیں

ابوظہبی ۔ 17 دسمبر (اے پی پی) متحدہ عرب امارات دے وزیرمملکت امورخارجہ انور قرقاش خبردار کیتے جو اسلامی تعاون تنظیم (او آئی سی) کوں کمزور نہ کیتا ونجے کیوں جو ایجھا کوئی وی اقدام اسلامی دنیا دے مفاد اچ کائناں ہوسی ۔انور قرقاش آکھیے جو اسلامی تعاون تنظیم دی کمزوری اسلامی دنیا تے ایندے ملکاں دے مفاد اچ کائنی ، ایں تنظیم تے ایندے رکن ملکاں کوں ضیان پجاونڑ دی پالیسی گھٹ مدت ثابت تھیسی تے اے دانش، اتفاق رائے اتے دنیا دے اتحاد تے مبنی کائنی۔ واضح رہے جو او آئی سی اچ اسلامی دنیا نال تعلق رکھنڑ آلے 57ملک شامل ہن اے تنظیم خود کوں مسلم ا ±مہ دی اجتماعی آواز قرارڈیندی اے لیکن مبصرین آکھیے جو ایندے رکن کجھ ملک بیاں علاقائی تنظیماں اچ شامل ہن یا ایجھی گروہ بندی کریندے پن جیں نال او آئی سی دی اجتماعیت کوں ضیان تھیندا پئے تے مختلف اسلامی ملکاں کوں درپیش بحراناں دے حل اچ کوئی فیصلہ کن فعال کردار ادا نی کریندی پئی ۔