اسلام آباد ۔ 3 دسمبر (اے پی پی) اکتوبر2019ءاچ گوشت اتے گوشت دی مصنوعات دیاں برآمدات اچ 15.78 فیصد ودھارا تھئے۔ ادارہ برائے شماریات پاکستان( پی بی ایس) دے اعدادوشماردے مطابق اکتوبر2019ءدے دوران گوشت اتے ایندی مصنوعات دی قومی برآمدات دا حجم 4.2ارب روپے تئیں پج گے جڈاں جو ستمبر2019ءاچ3.6 ارب روپے دی برآمدات کیتیاں گیاں ہن اینویں ستمبر2019ءدے مقابلے اچ اکتوبر 2019ءدے دوران گوشت اتے ایندی مصنوعات دی برآمدات اچ 60 کروڑ روپے یعنی15.78 فیصد ودھارا ریکارڈ کیتا گے ۔
