ایرانی بحریہ دے کمانڈر ریئر ایڈمرل ڈاکٹر حسین خانزادی دی پاک بحریہ دے کمانڈر نال ملاقات مزار قائد تے حاضری ڈتی ، ترجمان پاک بحریہ

اسلام آباد ۔ 11 دسمبر (اے پی پی) ایرانی بحریہ دے کمانڈر ریئر ایڈمرل ڈاکٹر حسین خانزادی کراچی اچ پاک بحریہ دے کمانڈر کراچی اتے کمانڈر کوسٹ گارڈ نال انجھ انجھ ملاقاتاں کیتیاں جیں اچ سانجھی دلچسپی دے امور بشمول ڈوہیں ملکاں دی بحری فوج وچال تعاون ودھاونڑ تے گال مہاڑ تھئی۔ ترجمان پاک بحریہ دے مطابق معزز مہمان مزار قائد تے حاضری ڈتی تے پھلاں دی چادر چڑھائی ، ایرانی بحریہ دے کمانڈر پاکستان نیوی ڈاکیارڈ اتے پاک بحریہ دے جنگی جہاز دا دورہ کیتا، ایرانی بحریہ دے کمانڈر جوائنٹ میری ٹائم انفارمیشن کوآرڈی نیشن سینٹر اتے پاکستان نیول اکیڈمی دا وی دورہ کیتا۔ معزز مہمان خطے اچ بحری سکیورٹی اتے استحکام کیتے سانجھے رابطے تے مشترکہ کاوشاں دی ضرورت تے زور ڈتا ۔کمانڈر ایرانی بحریہ دے ایں دورے نال ڈوہیں بحری فوج وچال ڈو پاسے تعاون کوں مزید ودھارا تھیسی ۔