لاہور۔5 دسمبر(اے پی پی ) وفاقی وزیر ریلوے شیخ رشید احمد آکھیا جو ایم ایل ون نال ہک لکھ بندیاں کوں روزگار ملسی،ایں دا1872کلومیٹر تئیں نواں ٹریک بنڑسی،ایم ایل ون دے ٹریک اچ کوئی پھاٹک کائنا ہوسی،حکومت ریلوے دی ترقی سانگے کوشش کریندی پی اے،فریٹ ٹریناں دا 10فیصد کرایہ گھٹ کریندے پیوں،جیڑھے چیئرمین سینیٹ نی بدل سگیے،او وزیراعظم کینویں بدلیسن،جئیں کوں شوق اے او تحریک عدم اعتماد گھن آوے،مجرم نواز شریف باہر ونج سگدے تاں ملزم آصف زرداری کوں وی ونجنڑاں چاہیدے،شہباز شریف جیڑھے جو سچ الایا اوں ڈینھ اوندی سیاست مُک ویسی،، آرمی چیف جنرل قمر جاوید باجوہ دی مدت ملازمت اچ توسیع سادہ اکثریت نال تھیسی۔اے گالھیں انہاں لاہور اچ میڈیا نال گالھ مہاڑ کریندیں ہوئیں آکھی۔انہاںلاہورواہگہ شٹل ٹرین 14دسمبر توں چلاونڑ دا اعلان کریندیں ہوئیں آکھیا جو حکومت ریلوے دی ترقی سانگے کوشش کریندی پی اے ۔
