اسلام آباد ۔ 05دسمبر(اے پی پی) وزیراعظم دے معاون خصوصی برائے صحت ڈاکٹر ظفر مرزا آکھیے جو ایچ آئی وی ایڈز متعلق آگاہی ڈیونڑ ویلھے دی ضرورت اے ،سرنجاں دے ولا استعمال تے پاپندی تے خون دے محفوظ انتقال کوں یقینی بنڑایا ویندا پئے ۔خمیس کوں اپنڑے ہک بیان اچ انہاں آکھیے جو ایڈ بارے آگاہی ڈیونڑ ویلھے دی ضرورت اے ۔انہاں آکھیے جو ایچ آئی وی ایڈز مکاونڑ کیتے قومی لائحہ عمل تیار کیتا گے تے اے اقدامات مرض کوں کھنڈنڑ توں روکیسن ۔ معاون خصوصی آکھیے جو ٹیکے دے تحفظ دے ھولے نال وی ہک خصوصی منصوبہ بنڑایا گے ۔انہاں آکھیے جو ہک ٹاسک فورس بنڑائی گئی اے جیرھی جو ٹیکے دے محفوظ استعمال دے حوالے نال قواعد ضوابط وضع کرنڑ کیتے ڈرگ ریگولیٹری اتھارٹی نال رل تے کم کریسی ۔
