دہلی ۔ 2 دسمبر (اے پی پی) بھارتی اپوزیشن جماعت کانگریس دی جنرل سیکرٹری پریانکا گاندھی بے جے پی حکومت کوں معیشت دی تباہی دا ذمے وار قرار ڈے ڈتا ۔ بھارتی خبر رساں ادارے دے مطابق پریانکا گاندھی مجموعی گھریلو پیدوار جی ڈی پی دی شرح ڈھہ تے 4.5 تئیں پج ونجنڑ دی ذمے واری حکومت تے لاتی اے ۔انہاں آکھیے جو ملک دی جی ڈی پی دی پی دی شرح ڈھنڑ ایں گال ثبوت اے جو حکومت ، معاشی ترقی دی ودھاونڑ تاں ہک پاپے ،معاشی ترقی دی جیرھی شرح اینکوں ڈتی گئی ہئی ایندی حفاظت وی ناکام رہی اے ۔پریانکا گاندھی آکھیے جو ایں حکومت دے اقتصادی ترقی دے سارے وعدے کوڑے ثابت ھن ۔انہاں آکھیے جو حکومت بے روزگاری مکاونڑ اچ وی ناکام رہی اے جیرھے کساناں نال وعدے کیتے گے ہن او پورے کائنی کیتے گے ۔انہاں آکھیے مودی حکومت ملک دی معیشت کوں برباد کرڈتے ۔
