ممبئی ۔ 04 دسمبر (اے پی پی) بھارت اتے ویسٹ انڈیز دیاں کرکٹ ٹیماں دے ترائے بین الاقوامی ٹی 20میچاں دے سیریز دا پہلا میچ جمعے کوں حیدرآباد دکن اچ کھیڈیا ویسی ۔میچ رات کوں لائٹ تے کھیڈیا ویسی ۔ ویسٹ انڈیز دی ٹیم انہاں ڈینھاں بھارت اچ اے جتھاں او ترائے ٹی 20تے ترائے ون ڈے میچ دی سیریز کھیڈسی ۔ بھارتی کرکٹ ٹیم دی قیادت ویرات کوہلی کریسن جڈاں جو ویسٹ انڈیز ٹیم مایہ ناز آل راﺅنڈر کیرون پولارڈ دی قیادت اچ میدان اچ لہسے ،بھارت مہمان ٹیم دے خلاف پہلے ہی ٹی ٹونٹی تے ون ڈے سکواڈ دا اعلان کر رکھیے ۔ٹی ٹونٹی سیریز کیتے اعلان کیتے گے سکوارڈ دے مطابق ویرات کوہلی ٹیم دی قیادت کریسن تے روہت شرما نائب کپتان ہوسن بئے کھلاڑیاں اچ شیکھر دھون، رویندرا جڈیجا، محمد شامی، بھونیشوار کمار، کلدیپ یادو، رشبھ پنت، کے ایل راہول، شرییاس ایئر، منیش پانڈے، شیوم ڈوب، واشنگٹن سندر، یوزویندر چہل ، اور دیپک چاہر شامل ہن۔ ڈوجھا ٹی 20 میچ 8 دسمبر کوں تھیرو واننتاپورم جڈاں جو تریجھا تے چھیکڑی یچ 11 دسمبر کوں ممبئی اچ کھیڈیا ویسی۔
