فرینکفرٹ۔ 13 دسمبر (اے پی پی)جرمنی اچ کشمیریاں تے سکھیں دی جاسوسی تے ڈو بھارتی شہریاں کوں سزا ڈتے ڈتی گئیاے ۔ جرمنی اچ رہنڑ آلے شادہ شدہ اے جوڑا بھارتی خفیہ ادارے را کیتے کم کریندا ہئی ۔ جرمن نشریاتی ادرے جرمن حکام دے حوالے نال ڈسائے جو فرینکفرٹ دی ہک عدالت بھارتی شہریاں کوں جاسوسی کرنڑ دا مجرم قرار ڈے ڈتا۔50 سالہ من موہن ایس اتے انہاں دی 51 ذال دی ذال کنول جیت تے الزام ہئی جو انہاں کشمریاں تے سکھاں بارے معلومات جمع کیتیاںتے انہاں کوں بھارت دی خفیہ ایجنسی را کوں ڈتن ۔ڈسایا گے جو ڈوہیں مجرم بھارتی شہری ہن جیرھے جرمنی اچ رہندن ۔عدالت انہاں کوں معطل تے قید دی سزا سنڑائی تے جرمانہ وی لاتے ۔ عدالت کوں ڈسایا گے جو من موہن 2015 اچ راکیتے جاسوسی شروع کیتی جڈاں جو انہاں دی ذال کنول جیت 2017 اچ انہاں دے رلے تھئی ۔ ڈسایا گے جو شادی شدہ جوڑے کشمیری اتے سکھ گروپاں دی معلومات جمع کیتیاں ، جیں دی بھارتی خفیہ ایجنسی را انہاں کوں ست ہزار ڈو سو یورو ڈتے ۔ عدالتی کارروائی دے اچ انہاں دوہیں بھارتی شہریاں من گھدا جو او را دے ہک ایجنٹ نال رابطے اچ ہن جیں کوں او خفیہ معلومات ڈیندے رہین ۔
