ملتان ۔ 07دسمبر(اے پی پی)جلالپورپیروالادے علاقے پولیس مقابلے اچ بدنام زمانہ ڈاکو شوکت عرف شوکی ترائے ساتھیاں سودھا ہلاک ۔پولیس موجب چاریں ڈاکو اپنڑے ای ساتھی دی فائرنگ نال ہلاک تھین،پولیس موجب 9توں10مسلح ڈاکو سویلے سویلے حاجی پل دے نیڑے ناکہ لاکراہیں آونڑ ونجنڑ آلیاں کوں لٹیندے کھڑے ہن۔اطلاع ملنڑ تے پولیس پجی تاں انہاں اندھا دھند فائرنگ شروع کر ڈتی۔فائرنگ کافی دیر تھیندی رہی اتے ڈاکو موقع توں بھج گئے ۔پولیس اتھاں پجی تاں چار ڈاکو زخمی حالت اچ ہن اتے بعد اچ اے زخمی ڈاکو ہلاک تھی گئے ۔پالیس ناکہ بندی کر تے باقی ڈاکواںکوں گولنڑ شروع کر ڈتے اتے ٹیماں پورے علاقے اچ بھیج ڈتیاں گن۔پولیس ڈو کلاشنکوف ،ڈو پسٹل اتے موٹرسائیکل اپنڑے قبضے اچ گھن گھدی اے۔
