رواں مالی سال دے پہلے پنج مہینے اچ درآمدات تے سیلز ٹیکس محصولات اچ 20فیصد ودھارا

3d people - man, people push up word "tax"

اسلام آباد ۔ 05 دسمبر (اے پی پی)اجوکے مالی سال دے پہلے پنج مہینے اچ درآمدات تے سیلز ٹیکس محصولات اچ 20 فیصد ودھارا تھئے تے ایں دوران 329.58 ارب روپے دیاں ٹیکس وصولیاں تھن ۔ لارج ٹیکس پیئرز یونٹ (ایل ٹی یو) دی رپورٹ دے مطابق گزریل مالی سال دے ایں عرصے دے دوان ٹیکس محصولات دا حجم 274.16 ارب روپے رہیا ہئی ۔ اینویں گزریل مالی سال دے مقابلے اچ جاری مالی سال دے پہلے پنج مہینے اچ درآمدات تے سیلز ٹیکس دیاں وصولیاں اچ 55.42 ارب روپے یعنی 20 فیصد دی ودھ ٹیکس وصولی تھئی اے ۔ پاکستان تحریک انصاف دی حکومت اجوکے مالی سال دے بجٹ اچ زیروریٹڈ سیلز ٹیکس دی سہولت ختم کرڈتی ہئی تاں جو درآمدات دی حوصلہ شکنی تے مقامی صنعت کوں ودھارا ڈتا ونج سگے ۔ حکومت دے اقدامات دے نتیجے اچ درآمدات اچ کمی اتے تجارتی خسارے کوں گھٹ کرنڑ اچ مدد ملی اے ۔