اسلام آباد ۔ 24 دسمبر (اے پی پی) وزیر اعظم دے مشیر برائے خزا نہ و محصولات ڈاکٹرعبد الحفیظ شیخ دی زیر صدارت زرعی ٹیوب ویلاں تے فیول پرائس ایڈجسٹمنٹ دے نفاذبارے ہک اجلاس مشیر خزانہ عبدالحفیظ شیخ دی زیر صدارت تھئے ۔اجلاس اچ زراعت دے ودھارے، آبپاشی کیتے پانڑی دی دستیابی،زرعی ٹیوب ویلاں تے نافذ فیول پرائس ایڈجسٹمنٹ دی شرح گھٹ کرنڑ کیتے تجویز اں تے غور کیتا گئے۔اجلاس کو ں ڈسایا گئے جو حکومت یکم جنوری2019 ءتوں فصلاں کوں ودھ پانڑی ڈیونڑ کیتے زرعی ٹیوب ویلاں کوں پیک آورز، آف پیک آورز اچ 5.35 روپے فی یو نٹ دی شرح نال بجلی ڈیندی پئی اے، وفاقی حکومت نومبر2011ءتوں بلوچستان دے زرعی ٹیوب ویلاں کوں بجلی دی لاگت دا40 فیصدڈیندی پئی اے اتے اجوکی حکومت ایں سہولت اچ بئے ڈو سال (یکم جنوری2018ءتوں31 دسمبر2019 تئیں)توسیع ڈتی اے۔اجلاس اچ زرعی شعبہ ، آبپاشی اتے زرعی ٹیوب ویلاں دے شعبیاں دی ترقی کیتے مختلف مراعات متعارف کراونڑ دا فیصلہ کیتاگئے۔
