سعودی عرب اتے ایران وچال حج معاہدے تے دستخط

ریاض ۔09 دسمبر(اے پی پی) سعودی وزارت حج و عمرہ ایران دی حج و زیارت تنظیم دے نال نویں حج موسم دے انتظامات متعلق معاہدے دے دستخط کرڈتن ۔ایران توں آونڑ آلے حاجیاں تے سعودی عرب اچ پیش کیتی ونجنڑ آلی خدمات دی بابت تفصیلات طے کیتیاں گیاں ۔سعودی خبررساں ادارے دے مطابق سعودی وزیر حج و عمرہ ڈاکٹر محمد صالح بن طاہر بنتن نال ایرانی تنظیم حج و زیارت دے سربراہ ڈاکٹر علی رضا رشیدیان ملاقات کیتی ۔ڈاکٹر محمد صالح بن طاہر بنتن آکھیے جو سعودی وزارت حج و عمرہ ایں سال حج موسم کیتے ایرانی حاجیاں دے حوالے نال سارے انتظامات پورے کر گھدن ۔ سعودی عرب ،حرمین شریفین دی سرزمین اچ ہر ملک ، ہر قوم ، ہر فرقے اتے ہر مسلک دے حاجیاں کوں خوش آمدید اکھیندے ۔