سوشل میڈیا پاروں لوک روزانہ حکومت دی کارکردگی دا احتساب کریندن،وزیراعظم دے معاون خصوصی برائے احتساب شہزاد اکبردا سیمینار نال خطاب

اسلام آباد ۔ 4 دسمبر (اے پی پی) وزیراعظم دے معاون خصوصی برائے احتساب شہزاد اکبرآکھیے جو سوشل میڈیاپاروں شہری روزانہ حکومت دی کارکردگی دا احتساب کریندن، ملک اچ اظہار رائے دی مکمل آزادی اے، جدید ٹیکنالوجی نال انتظام اچ بہتری گھن آئی ونج سگدی اے۔اسلام آباد اچ ہک سیمینار نال خطاب اچ انہاں آکھیا جو حکومت عوامی فلاح و بہبود کیتے قانون سازی کریندی پئی اے، ملکی ترقی و خوشحالی کیتے گورننس اتے احتساب ضروری اے جیکر جمہوری حکومت کارکردگی نئیں ڈکھیندی تاں او عوام اچ اہمیت گھٹا ڈیندی اے،جمہوری حکومت اچ فیصلہ سازی کیتے شہریاں دی شرکت اہمیت رکھیندی اے،سوشل میڈیا تے اج شہری براہ راست اپنڑے احساسات اتے خیالات نال حکومتی کارکردگی دا جائزہ پنج سال بعد نئیں روزانہ گھندن۔