اسلام آباد ۔05 دسمبر (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو شہباز شریف پہلے اپنڑی پارٹی اچ ان ہاﺅس تبدیلی گھن آون ولا پارلیمانی اچ تبدیلی دی گال کرن ۔ خمیس کوں ہک ٹویٹ اچ انہاں آکھیے جو ن لیگ دے صدر شہباز شریف ہن لیکن فیصلے انہاں دی جاہ تے کوئی بیا کریندے ،کٹھ پتلی صدر ہوونڑ توں بہتر اے جو پہلے اپنڑی پارٹی دے حقیقی صدر تاں بنڑ ونجن ۔ انہاں آکھیے جو ان ہاﺅس تبدیلی دا بیان بلی دے خواب اچ چھچھڑے دے مترادف اے، انہاں حسرتاں کیتے انہاں نال ہمدردی ہی کیتی ونج سگدی ۔ معاون خصوصی آکھیا جو ان ہاﺅس تبدیلی دی شوبازی نہ کرن، پارلیمان اچ آتے قانون سازی دی ذمے واری پوری کرن ۔ ڈاکٹر فردوس عاشق اعوان آکھیے جو چیئرمین سینٹ تبدیل کرنڑ دے معاملے اچ اپوزیشن کوں جیرھی ہزیمت دا سامنڑاں کرنڑاں پیا او شاید شہباز شریف بھل گن ۔بلاول تے مولانا وی پارلیمان دی بالادستی دے اپنڑے دعویں تے عمل کرن تے پارلیمانی اچ قانون سازی متعلق اپنڑیاں جماعتاں کوں یرغمال نہ بنڑاون ۔
