صدر مملکت ڈاکٹر عارف علوی نال گورنرسندھ عمران اسماعیل دی ملاقات

کراچی۔ 31 دسمبر (اے پی پی) صدر مملکت ڈاکٹر عارف علوی نال گورنرسندھ عمران اسماعیل گو رنر ہاﺅس اچ ملاقات کیتی ۔ ملاقات اچ انسداد منشیات ،آگاہی مہم ، تعلیمی اداریں توں انہاں دے خاتمے ، نینگر نسل کوں منشیات توں محفوظ رکھنڑ کیتے چاتے گے اقدامات تے گال مہاڑ کیتی گی ۔ ملاقات اچ انسداد منشیات کیتے ہر ممکن وسائل استعمال اچ گھن آونڑ دے عزم دا اعادہ کیتا گیا ۔ گورنرسندھ سٹیزن پولیس لائژن کمیٹی (سی پی ایل سی) اچ انسداد منشیات کیتے قائم کیتے گے سیل بارے صدر مملکت ڈاکٹر عارف علوی کوں تفصیل نال ڈسایا ، انہاں ڈسایا جو صوبے دے مختلف تعلیمی اداریں اچ اینٹی نارکوٹکس فورس، پولیس اتے سی پی ایل سی دے تعاون نال آگاہی مہم جاری اے۔ صدر مملکت صوبے توں منشیات مکاونڑ کیتے گورنرسندھ دے اقدامات کوں قابل ستائش قرار ڈیندے ہوئیں ہدایت کیتی جو تعلیمی اداریں اچ منشیات مکاونڑ کوں ہر صورت یقینی بنڑایا ونجے ۔ صدر مملکت آکھیا جو منشیات دے دھندے اچ ملوث عناصر دے خلاف بھرپور ایکشن گھننڑ ویلھے دی ضرورت اے ۔