اسلام آباد ۔ 24 دسمبر (اے پی پی) وزیر مملکت برائے موسمیاتی تبدیلی زرتاج گل آکھیے جو بلاول اپنڑے پیو دا ہک کنفیوزڈ مہرہ اے، عوام زرداری دی پارٹی کوں مسترد کرچکین،احسن اقبال کوں نیب دے سوالاں داولدا ڈیونڑاں چاہیدے۔اپنڑے ٹویٹس اچ زرتاج گل آکھیے جو زرداری دے ٹبر بے نظیر بھٹو دے مشن کوں تباہ کیتے اتے لاشاں دی سیاست متعارف کرائی اے،بلاول کوں سمجھ آونجنڑی چاہیدی اے جو عوام زرداری دی پارٹی کوں مسترد کرچکین۔ انہاں آکھیے جومزاحیہ مارچ دی ناکامی دے بعد وی انہاں دیاں اکھیں نئیں کھلیاں۔ انہاںا ٓکھیے جو احسن اقبال کوں خیالی سیاسی انتقام دیاں گالھیں کرنڑ دی بجائے نیب دے سوالاں دا ولدا ڈیونڑ تے توجہ ڈیونڑی چاہیدی اے۔
