اسلام آباد ۔05 دسمبر (اے پی پی) وزیرِاعظم عمران خان آکھیا جو غریب اتے گھٹ آمدنڑ آلیاں کوں ریلیف ڈیونڑ حکومت دی پہلی ترجیح اے،نرخاں تے کنٹرول سانگے سارے انتظامی اقدامات کوں یقینی بنڑایا ونجے،پرائس کنٹرول بارے ہرہفتے اجلاس دی صدارت خود کریساں،ملکی لوڑھ کوں ڈیکھدیں ہوئیں ضرورت دی شہیں دی فراہمی کوں یقینی بنڑاونڑ سانگے مستقبل دی منصوبہ بندی بارے ہک مربوط نظام بنڑایا ونجے تانجو ملکی لوڑھ کوں ڈیکھدیں ہوئیں مطلوبہ اجناس دی کاشت کوں یقینی بنڑایا ونج سگے اتھاں برآمدات اتے درآمدات بارے وی ویلھے تے فیصلے کیتے ونج سگن،ملاوٹ ہک بہوں سنگین مسئلہ اے۔اے گالھیں انہاں خمیس کوں ضروری لوڑھ دی شہیں دے نرخاں تے کنٹرول بارے تھیونڑ آلے اعلیٰ سطح دے اجلاس توں خطاب کریندیں ہوئیں آکھی۔اجلاس اچ وزیرِ منصوبہ بندی اسد عمر، وزیر برائے نیشنل فوڈ سیکیورٹی مخدوم خسرو بختیار، وزیرِاعلیٰ پنجاب سردار عثمان بزدار، وزیرِاعلیٰ خیبرپختونخواہ محمود خان، مشیر تجارت عبدالرزاق داود، معاون خصوصی برائے اطلاعات ڈاکٹر فردوس عاشق اعوان، صوبائی چیف سیکرٹریز تے بے سینئر افسر شریک تھیے۔ صوبائی چیف سیکرٹریز ضروری لورھ دی شہیں تے کنٹرول بارے وزیراعظم دی ہدایت دے مطابق کیتے گئے اقدامات بارے اجلاس کوں ڈسیا۔وزیراعظم عمران خان اجلاس نال خطاب کریندیں ہوئیں آکھیا جو غریب تے گھٹ آمدنڑ آلے بندیاں کوں ریلیف ڈیونڑ حکومت دی پہلی ترجیح اے۔
