فلسطین اتے مقبوضہ بیت المقدس دی صورت حال مسلسل خراب تھیندی پئی اے، طیب اردوان

انقرہ۔ 11 دسمبر (اے پی پی) ترکی دے صدر رجب طیب اردوان خبردار کیتے جو فلسطین اتے مقبوضہ بیت المقدس دی صورت حال تکھے مسلسل خراب تھیندی پئی اے ۔ مرکزاطلاعات فلسطین دے مطابق استنبول اچ اسلامی تعاون تنظیم دے سماجی امور متعلق وزارتی اجلاس نال خطاب اچ صدر اردوان آکھیے جو اساں مسلماناں کوں اے گال نی بھلنڑیں چاہیدی جو القدس دا دفاع اساڈی اجتماعی ذمے واری اے ۔ انہاں آکھیے جو ایں وقت عالم اسلام اپنڑے کجھ اندرلے مسلیں اچ اے ۔ اساڈے وسائل تے توانائی ونجی ویندی اے ، اساں اپنڑے اپنڑے حجم تے تعداد دے باوجود عالمی سطح تے کوئی موثرفیصلہ نی کراسگیے ۔ترک صدر آکھیے جو کجھ وقت اچ اساں فلسطینیاں اتے القدس تے ظلم تھیندا ڈیکھدوں تاں اساں خود کوں کلہا محسوس کریندوں ۔عالمی استعمار اپنڑیاں پالیسیاں تے چلدا پئے تے عالم اسلام اپنڑے اندرلے مسئلے اچ پھسیا پئے۔