ہلنسکی۔10 دسمبر (اے پی پی)فن لینڈ دی 34سال دی سیاستدان سانامارین دنیا دی گھٹ عمر دی وزیراعظم بنڑ گئی اے ۔سانا مارین جتھاں دنیا دی گھٹ عمر دی وزیراعظم بنڑی اے اتھاں او فن لینڈ دی ہنڑ تئیں تریجھی تریمت وزیراعظم وی بنڑی اے ۔فن لینڈ دیاں پنج سیاسی جماعتاں دے اتحاد نال بنڑنڑ آلی حکومت دے تحت وزیراعظم بنڑی اے تے ایں اتحادی اچ شامل پنج سیاسی جماعتاں دی سربراہی وی تریمتاں ڈے ہے۔ سانا مارین دا تعلق فن لینڈ دی معروف سیاسی جماعت ” سوشل ڈیمو کریٹک پارٹی “ (ایس ڈی پی) توں اے ۔ او گزریل ہفتے مستعفیٰ تھیونڑ آلے وزیراعظم اینتی رینے دے عہدہ چھوڑ ڈیونڑ دے بعد وزیراعظم بنڑی اے ۔ سوشال ڈیمو کریٹک پارٹی دی اعلیٰ کونسل اچ شامل 32ارکان اچوں 29ارکان تریمت کوں وزیراعظم بنڑاونڑ کیتے ووٹ ڈتا ۔ ایس ڈی پی بیاں چار سیاسی جماعتاں نال رل تے حکومت بنڑائی ہئی ، تاں جو فن لینڈ اچ کئی ہفتے توں محکمہ پوسٹ دے ملازمین دے احتجاج پاروں اینتی رینے کوں وزارت عظمی توں استعفیٰ ڈیونڑاں پئے گیا۔ انہاں دے استعفیٰ ڈیونڑ دے بعد سوشل ڈیمو کریٹک پارٹی ولوں بئے سیاستدان وی وزیراعظم دے امیدوار ہن ، کونسل دے ارکان سانا مارین کوں ووٹ تے نویں وزیراعظم چنڑ گھدا ۔سانا مرین 34سال دی عمر اچ وزارت عظمی سنبھالنڑ آلی پہلی وزیراعظم بنڑ گن ۔سانا مارین وزیراعظم بنڑنڑ توں پہلے گزریل ہفتے تئیں وزیر ٹرانسپورٹ ہن تے 30سال دی عمر اچ پہلی واری رکن اسمبلی بنڑی ہئی ۔سانا مارین اپنڑے خاندان دی پہلی تریمت اے جیں اعلیٰ تعلیم حاصل کیتی اے ۔
