اسلام آباد ۔ 12 دسمبر (اے پی پی) وفاقی وزیر سائنس اینڈ ٹیکنالوجی چوہدری فواد حسین آکھیا جو فوڈ، میڈیسن اتے گلوبل بائیو ٹیکنالوجیز اساڈی ترجیحات ہن، ہیوی میکنیکل کمپلیکس دی طرز تے ہیوی ایگریکلچرل کمپلیکس بنڑیسوں،2022ءاچ سپیس پروگرام لانچ کریسوں،یونیورسٹیاں دی سطح تے وی ریسرچ دا کم جلدی شروع تھی ویسی،آندے سال دے چھیکڑ تئیں بیٹری نال چلنڑ آلی بساں لانچ کریسوں۔خمیس کوں اتھاں آل پاکستان بزنس فورم ولوںخوشحال پاکستان دی تقریب توں خطاب کریندیں ہوئیں وفاقی وزیر آکھیا جو پاکستانی کاروباری بندیاں دا انحصار حکومتی سبسڈی تے اے جڈانجو جدید معیشتاں اچ سبسڈیز تے انحصار گھٹ تھیندا پے۔انہاں آکھیا جو عالمی سطح تے ٹیکنالوجی اچ ہر ڈینھ جدت امدی پئی اے،ہر ڈینھ بدلدی ٹیکنالوجی پاروں اساں آونڑ آلے پندرہ ویہہ سال دا نی سوچ سگدے۔انہاں آکھیا جو اجوکی حکومتاں دی کوششاں نال پاکستان ٹیکنالوجی اچ بہوں کجھ حاصل کیتے اتے ہنڑ پاکستان2022ءاچ سپیس پروگرام لانچ کریسی۔
