اسلام آباد ۔ 4 دسمبر (اے پی پی) وزیر خارجہ شاہ محمود قریشی آکھیے جو مسئلہ کشمیر دے معاملے تے پوری قوم متحد اتے متفق اے‘ اجوکے بھارتی اقدامات نال مسئلہ کشمیر جگ اچ ابھر تے سامنڑے آئے،پورے جگ دے ایواناں اے بھارتی مظالم اتے مشیریاں دے حقوق کیتے آواز اٹھدی پئی اے،جیویں وزیراعظم مسلہ کشمیر تے اپنڑا تکڑا موقف پیش کیتے او مثالی اے،مسئلہ کشمیر دے معاملے تے پوری قوم متحد اتے ہک مٹھ اے،ایں بارے ایوان دیاں ساریاں قابل عمل تجاویز منیسوں۔اے گالھ انہاں قومی اسمبلی اجلاس اچ مختلف سوالاں دا ولدا ڈیندے آکھی۔انہاں آکھیا جو کشمیر اینجھا مسلہ اے جیندے تے پوری قوم ہک اے اتے پورا ایوان وی کٹھا اے،اساں کشمیر بارے کوئی ابہام ،کمزوری یا کہیں قسم دی ونڈیج نہ تھیونڑ ڈیسوں،پورے جگ اچ پاکستان مسلہ کشمیر تے اپنڑا موقف پیش کر ڈتے،ایندے تے جیویں اپوزیشن حکومت دا ہتھ ونڈائے او قابل تعریف اے،امریکی کانگریس، اقوام متحدہ دے اجلاس،انسانی حقوق دے ہر پلیت فارم سودھا پورے جگ بھارت کوں لعن طعن کیتے اتے کشمیریاں کوں حقوق ڈیونڑ دی گالھ کیتی اے،واشنگٹن ‘ نیویارک‘ لندن ‘ پیرس‘ کینیڈا‘ بارسلونا اتے لندن وی ساڈا موقف منیے۔اساں 70 توںو دھ سربراہان مملکت‘ وزراءاعظم اتے وزراءخارجہ نال اقوام متحدہ اچ ایندے تے الوائے۔انہاں دعوت ڈتی جو ایوان مسلہ کشمیر تے تجاویز ڈیوے حکومت ایندے تے پورا عمل کریسی کیوں جواساں رل مل تے اگو تے ودھنڑے۔انہاںا ٓکھیے جو جگ دے ڈر توں بھارت مقبوضہ کشمیر اچ کہیں غیر ملکی مبصر، صحافیاں ہی نئیں اپنڑی اپوزیشن کوں وی نئیں ونجنڑ ڈینداپیاجو کتھائیں اوندے کالے کرتوت بے نقاب نہ تھی ونجن۔انہاںا ٓکھیے جو ساکوں او آئی سی جھیں سنگتیاں کوں دشمن بنڑاونڑ دی کوئی لوڑھ کائنی،اے پاکستان اتے کشمیر کازکیتے چنگی گالھ نئیں،اپوزیشن اراکین تقاریر دی بجائے تجاویز اتے عملی اقدامات نال اگو تے آون،سینیٹ اتے قومی اسمبلی دے نمائندیاں دے وفود،امور کشمیر دے ماہرین و تھنک ٹینک ہوونڑے چاہیدن جھیڑے کشمیر تے رج الاون، انشاءاللہ پاکستان کوں کامیابی ملسی۔
