اسلام آباد ۔ 23 دسمبر (اے پی پی) کابینہ دی اقتصادی رابطہ کمیٹی (ای سی سی) مالی سال 2018-19ءاچ 4.05 ارب روپے دے بچ ونجنڑ آلے فنڈز دی ٹیکنیکل سپلیمنٹری گرانٹ منظورکیتی اے جیڑھی پائیدار ترقی دے اہداف سانگے پروگرام (ایس اے پی)دے تحت ڈتی گئی اے۔ ای سی سی دا اجلاس وزیراعظم دے مشیر برائے خزانہ ڈاکٹر عبدالحفیظ شیخ دی صدارت اچ تھئے جیندے اچ کابینہ ڈویژن دی تجویز تے بچ ونجنڑ آلے فنڈز دے ولا استعمال دی منظوری ڈتی گئی۔ای سی سی اکتوبر 2019ءاچ اسلام آباداچں سکیورٹی اخراجات سانگے وزارت داخلہ دی تجویز تے 100 ملین روپے دے اخراجات منظور کیتے ۔کمیٹی انتظامیہ کوں ہدایت کیتی جو اگو تے سکیورٹی مسائل دے حل کیتے مستقل اقدامات کیتے ونجن۔اجلاس یوٹیلیٹی سٹورز کارپوریشن توں صارفین کوں سبسڈی کیتے 6 ارب روپے دی منظوری ڈتی۔ کمیٹی مشیر برائے تجارت، ٹیکسٹائل، صنعت، پیداوار و سرمایہ کاری عبدالرزاق داﺅد دی قیادت اچ کمیٹی تشکیل ڈتی تاں جو سبسڈی دی نگرانی تھی سگے۔اجلاس ٹیکنیکل سپلیمنٹری گرانٹ دے تحت 7.904 ارب روپے دی وی منظوری ڈتی جیڑھی امریکی سفارتخانہ انسداد منشیات دی عالمی مہم (آئی این ایل پی)دے تحت دیسی۔
