ملکہ ترنم نور جہاں جیہی آواز صدیاں بعد پیدا تھیندی اے ، ثریا ملتانیکر

ملتان ۔23دسمبر(اے پی پی) ملکہ ترنم نورجہاں جیہوجی آواز صدیاں اچ پیدا تھیندی اے ،انہاں دے گاونڑ سدا بہار ہن،اے گال نامور گلوکارہ ثریا ملتانیکر ملکہ ترنم نورجہاںدی 19 ویں برسی دے موقع تے ”اے پی پی“ نال خصوصی گال مہاڑ کریندے ہوئیں آکھی اے ، انہاں آکھیے جو انہاں جیہی آواز صدیاں بعد پیا تھیندی اے ، او میں نال بہوں پیارکریندیاں ہن تے میں کیتے اے اعزاز دی گال اے ۔ ایں موقع تے حوالے نال اسٹیشن منیجر ریڈیو پاکستان ملتان آصف خان کھیتران آکھیے جو او بر صغیر دی ہک ایجھی آرٹسٹ ہن جنہاں دی آواز کڈاہیں وی ختم نی تھی سگدی ، انہاں دے گیت سدا بہار ہن ۔ نورجہاں 21ستمبر 1926ءکوں قصور اچ جمی تے انہاں دا اصل نام اللہ رکھی ہئی ۔انہاں 9 سال دی عمر اچ فنی سفر دا آغاز کیتا،انہاں کوں صدارتی تمغہ برائے حسن کارکردگی اتے نشان امتیازوی عطا کیتا گیا ۔او 23دسمبر 2000ءکوں انتقال کر گیاں ہن ۔