ملک دیاں مختلف جہیں تے تکھی ہوا گھلسی ،مینھ وسنڑ دا امکان اے

لاہور ۔ 13 دسمبر (اے پی پی) محکمہ موسمیات آکھیے جو صوبائی دارالحکومت لاہور سمیت صوبے دے مختلف شہراں اچ اج ہفتے دے ڈینھ تکھی ہوا گھلسی تے ایندے نال مینھ وسنڑ ا امکان اے ۔ جمعے دے ڈینھ لاہور تے ایندے نیڑے سارا ڈینھ موسم جھڑ آلا رہیا تے کہیں کہیں جاہ تے مینھ پاروں پالا ودھ گے ۔ موسمیاتی ماہرین آکھیے جو ہفتے دے ڈینھ شمالی پنجاب، اتلے خیبر پختونخواہ، اسلام آباد، گلگت بلتستان اتے کشمیر اچ کجھ جہیں تے کھمنڑ دے نال مینھ وسنڑ دا امکان اے پہاڑاں تے برف پوسی ۔وسطی ، جنوبی پنجاب اتے اتلے سندھ دے ضلعیں اچ رات تے سویلے ودھ ساری کوہیڑ پوسی ۔