اسلام آباد ۔ 4 دسمبر (اے پی پی) ڈپٹی سپیکر قومی اسمبلی قاسم سوری آکھیے جو ملک کوں اقتصادی بحران توں کڈھنڑ کیتے حکومت نویں رستے گولیندی پئی اے۔ حکومت دیاں پالیسیاں پاروں ملک اچ معاشی استحکام آندا پئے ، اج پاکستان دی اقتصادی ترقی دے حوالے نال موڈیز ،عالمی اداریں دی رپورٹ ساریں دے سامنڑے اے، وزیراعظم عمران خان ملک اچ تعلیمی نظام دی بہتری چاہندن ،ایس ڈی جیز فور دے اہداف حاصل کرنڑ کیتے وفاق تے صوبیں دا ہک پیج تے آونڑ بہوں ضروری اے ۔اے گال انہاں انسٹی ٹیوٹ آف سوشل اینڈ پالیسی سائنسز ( آئی سیپس) دے زیر اہتمام ” پاکستان کوں درپیش تعلیمی چیلنجز نال نبڑنڑ “ دے عنوان نال اسلام آباد اچ منعقدہ قومی کانفرنس نال خطاب کریندے ہوئیں آکھی اے ۔انہاں آکھیے جو جدید تقاضیں پاروں تعلیمی نظام اچ بہتری وقت دی اہم ضرورت اے ۔تعلیم کوں عام کرنڑ ہک وڈا قومی چیلنج اے ۔
