کراچی ۔ 31 دسمبر (اے پی پی) صدر مملکت ڈاکٹرعارف علوی آکھیے جو منشیات دا استعمال صرف لوکاں کوں ہی نی خاندان کوں وی تباہ کرڈیندے ، منشیات توں بچنڑ کیتے نینگر نسل کوں صحت مندانہ سرگرمیاں ڈیونڑیاں پوسن ۔ اے گال انہاں منگل کوں منشیات نذر آتش کرنڑ دی تقریب نال خطاب کریندے ہوئیں آکھی اے ۔صدرمملکت آکھیے جو منشیات دا استعمال صرف لوکاں کوں ہی نی خاندان کوں وی تباہ کر ڈیندے ۔ منشیات تے قابو پاونڑ کیتے ایندی سپلائی کوں روکنڑ ضروری اے ۔ امریکا انسداد منشیات مہم تے ارباں ڈالر خرچ کریندے ۔ امن و امان دی خراب صورتحال پاروں کراچی اچ منشیات دا کاروبار ودھیا ۔ انہاں آکھیے جو انسداد منشیات کیتے ہر سطح تے کوششاں کرنڑیاں پوسن ۔ منشیات دی نویں قسم نینگر نسل کوں تکھے اپنڑے شکنجے اچ وٹھیندی پئی اے ۔ ڈاکٹر عارف علوی آکھیا جو ماءپیو کوں اپنڑے بالاں گے خصوصی نگاہ رکھنڑ دی ضرورت اے ۔ جیرھا جو معاشرے اپنڑی اخلاقی اقدار دی بنیاد پیسے تے رکھیندن او تباہ تھی ویندن ، پاکستانی قوم دی برادری اچ نمایاں مقام حاصل کرنڑ کیتے بالکل تیار اے ۔ قائداعظم دا کمال ہئی جو انہاں نظریے دی بنیاد تے قوم کوں کٹھا کیتے ۔
