مولانا فضل الرحمان اتے انہاں دے ہمنوائیں دی سیاست کوں عوام مسترد کرڈتے ، ڈاکٹر فردوس عاشق اعوان

APP04-14 SIALKOT: December 14 - Special Assistant to Prime Minister on Information and Broadcasting Dr Firdous Ashiq Awan talking to media. APP photo by Muhammad Munir Butt

اسلام آباد ۔14 دسمبر(اے پی پی) وزیر اعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو مولانا فضل الرحمان تے انہاں دے ہمنوائیں دی سیاست کوں عوام مسترد کرڈتے،جنہاں کوں عوام مسترد کیتے او منتخب حکومت ڈھاونڑ دیاں سازشاں کریندے پن ، آستیناں چڑھا تے عوام کوں درس ڈیونڑ آلے تبلیغی ٹولے دی کرپشن دے حساب کتاب دا وقت آگے مسیحا دا ویس وٹا تے پھرنڑ آلیں دے نقلی چہرے عوام دے سامنڑے بے نقاب تھیندے پن ، معاشی اعشاریں اچ ثبت تبدیلیاں تھیندیاں پن جنہاں دی عالمی مالیاتی ادارے وی تصدیق کریندے پن ،ہفتے کوں اتھاں سیالکوٹ اچ میڈیا نال گال مہاڑ کریندے ہوئیں وزیر اعظم دی معاون خصوصی برائے اطلاعات تے نشریات ڈاکٹر فردوس عاشق اعوان آکھیا جو حکومت وزیر اعظم عمران خان دی سربراہی اچ عوام کوں ریلیف ڈیونڑ کیتے کوشاں اے ، سانحہ لاہور اچ جاں بحق تھیونڑ آلیں دے وارثاں کوں10، 10لکھ روپے ڈتے گن جڈاں جو ڈاکٹرز، پیرا میڈیکس اتے پی آئی سی اچ کھڑیاں عوام دیاں گاڈیاں تے ہسپتال دی بئی املاک دے ضیان دے ازالے کیتے تخمینہ لاتا ویندا پئے ۔ دل دے ہسپتال دی ایمر جنسی کوں 24گھنٹے دے گھٹ وقت اچ فعال کرڈتا گے۔