وزیراعظم دا پاکستان دے پہلے خصوصی ٹیکنالوجی زون اتے پارک دا افتتاح نویں پاکستان اچ شعبہ ٹیکنالوجی کوں ڈتی ونجنڑ آلی خصوصی اہمیت دا مظہر اے ،ڈاکٹر فردوس عاشق اعوان دا ٹویٹ

اسلام آباد ۔ 10 دسمبر (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو وزیراعظم عمران خان دانسٹ اچ پاکستان دے پہلے خصوصی ٹیکنالوجی زون اتے پارک دا افتتاح نویں پاکستان اچ شعبہ ٹیکنالوجی کوں ڈتی ونجنڑ آلی خصوصی اہمیت دا مظہر اے ، اے علم تے مبنی معیشت دے ودھارے دے پاسے اہم قدم ثابت تھیسی ۔ منگل کوں وزیراعظم دی معاون خصوصی ڈاکٹر فردوس عاشق اعوان اپنڑے ٹویٹ اچ آکھیا جو اے تخلیقی ذہن کوں رل بہنڑ دا پلیٹ فارم ڈیسی تے ٹیکنالوجی تے مبنی معیشت دی ترقی کیتے عملی اقدامات چاونڑ دے موقع ڈیسی ۔ انہاں آکھیے جو وزیراعظم عمران کان ملک دیاں بیاں درسگاہیں اچ وی ٹیکنالوجی پارکس بنڑاونڑ کیتے پرعزم ہن ، جدید دور اچ ٹیکنالوجی دی اہمیت توں انکار نی کیتا ونج سگدا ، انسانی زندگی دا کوئی شعبہ ٹیکنالوجی دے بغیر مکمل کائنی۔ انہاں آکھیے جو نسٹ دا اے منصوبہ ایکیڈیمیا اتے صنعت وچال پل دا کردار ادا کریسی ایندے نال ڈیجیٹل اکانومی تکڑی تھیسی تحقیق اتے ترقی کوں ودھارا تھیسی ۔