اسلام آباد ۔ 14 دسمبر (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو وزیراعظم عمران خان دی قیادت اچ حکومت ملک کوں پولیو توں نجات ڈیواونڑ کیتے ہر ممکن اقدامات کریندی پئی اے ،سمارجی رابطے دی ویب سائٹ ٹویٹر تے ہفتے کوں ہک پیغام اچ ڈاکٹر فردوس عاشق اعوان آکھیے جو اساں ہک صحت مند پاکستان کیتے ہک جان تے پرعزم ہیسے ۔ انہاں عوام توں اپیل کیتی اے جو انسداد پولیو مہم دے ذریعے ایں موذی مرض تے قابو پاونڑ کیتے کردار ادا کرن تے معاشرے کوں صحت مند بنڑاون ۔ انہاں آکھیے جو بالاں کوں پولیو دے قطرے پلاونڑ ضروری اے ،ایں ضمن اچ عوام اچ مزید آگاہی تے شعور ڈتا ویندا پے ۔
