اسلام آباد ۔ 3 دسمبر (اے پی پی) پارلیمانی سیکرٹری ریلوے فرخ حبیب آکھیے جو وزیراعظم عمران خان دی قیادت اچ پاکستانی معیشت درست پاسے ویندی پئی اے ‘موڈیزپاکستان دی معیشت کوں مستحکم قرار ڈتے ‘ بلاول بھٹو زرداری کوں اپنڑے والد دی منی لانڈرنگ دا حساب ڈیونڑاں اے ‘ مسلم لیگ (ن) اتے پاکستان پیپلزپارٹی بینک اکاﺅنٹس منی لانڈرنگ کیتے استعمال کریندے رہ گن۔منگل کوں الیکشن کمیشن دے باہروں میڈیا نال گال مہاڑ کریندے ہوئیں انہاں آکھیا جو موڈیز پاکتان دی ہک سال تے ترائے مہینے دی کاکردگی کوں منفی توں مستحکم کرڈتے انہاں آکھیا جو مسلم لیگ (ن)ملکی معیشت کوں تباہ حال شکل اچ چھوڑ تے گی ۔مسلم لیگ (ن) توں حساب منگیا ویندے تاں اوں بھج ویندن لیکن اساں انہاں کوں بھجنڑ نہ ڈیسوں ،انہاں آکھیے جو او ارباں روپے دا قرضہ چھوڑ تے گن ۔موجودہ حکومت مقروض ملک کوں وزیراعظم عمران خان دی قیادت اچ سانبھیے تاں حکومت دیاں کوششاں پاروں نہ صرف ترقی دے رستے تے ٹریے بلکہ معیشت وی بہتر تھئی اے ۔
