وزیراعظم عمران خان سعودی عرب دے ہک ڈینھ دے سرکاری دورے دے پہلے مرحلے اچ مدینہ منورہ پج گن

مدینہ منورہ ۔ 14 دسمبر (اے پی پی) وزیراعظم عمران خان سعودی عرب دے ہک ڈینھ دے سرکاری دورے دے پہلے مرحلے اچ ہفتے کوں مدینہ منورہ پج گن ۔ رائل ٹرمینل تے مدینہ دے ڈپٹی گورنر وحیب السہلی اتے جدہ اچ پاکستان دے قونصل جنرل خالد مجید استقبال کیتا۔ سعودی پروٹوکول دے حکام اتے پاکستان قونصلیٹ دے افسروی استقبال کیتے موجود ہن ۔ سیکرٹری خارجہ سہیل محمود وی وفد دے رلے ہن ۔ عمران خان روضئہ رسول تے حاضری ڈیسن تے نفل پڑھسن ۔ ایندے بعد او سرکاری مصروفیات کیتے ریاض روانہ تھیسن ۔