وزیراعلیٰ عثمان بزداردا دورہ دیرہ غازیخان،ڈی ایچ کیو ٹیچنگ ہسپتال دے نویں بلاک دا افتتاح کیتے

صوبے دے ہر ہسپتال خاص کر پسماندہ علاقیاں اچ صحت عامہ دیاں چنگیاں سہولتاں یقینی بنڑیسوں،وزیراعلیٰ پنجاب سردار عثمان خان بزدار دی ڈی ایچ کیو ڈیرہ غازیخان اچ نویں بلاک دی افتتاحی تقریب اچ گالھ مہاڑ
اسلام آباد ۔ 20 دسمبر (اے پی پی)وزیراعلیٰ پنجاب سردار عثمان خان بزدارڈو ڈینہہ دے دورے تے دیرہ غازیخان پج گین۔انہاں ڈسٹرکٹ ہیڈ کوارٹر ہسپتال دا وی دورہ کیتے اتے ٹیچنگ ہسپتال دے نویں بلاک دا افتتاح کیتے۔ٹیچنگ ہسپتال اچ ضروری سہولتاں سودھا اپ گریڈیشن کیتے 5ارب روپے رکھیے گین۔ایں موقع تے سیکرٹری سپیشلائزڈ ہیلتھ کیئر اینڈ میڈیکل ایجوکیشن وزیراعلیٰ کوں نویں بلاک اچ سہولتاں تے بریفنگ ڈتی اتے ڈسایا جو ٹیچنگ ہسپتال اچ 4ارب روپے توں ودھ رقم نال کارڈیالوجی سنٹربنڑایا ویسی،آوٹ ڈور ڈیپارٹمنٹ،گائنی اتے نیوروسرجری دے انجھ انجھ وارڈبنڑسن۔وزیراعلیٰ پنجاب دا آکھنڑ ہا جو صوبے اچ لوکاں کوں صحت اتے علاج معالجہ دیاں چنگیاں سہولتاں ڈیونڑپی ٹی آئی حکومت دی ترجیح اے،ڈیرہ غازی خان دے ضلعی ہسپتال کوں ودھ جدید بنڑایا ویسی،ہسپتال کوں ہر او سہولت ڈیسوں جیہڑھی مریضاں دا حق اے،صوبے دے ہر ہسپتال خاص کر پسماندہ علاقیاں اچ صحت عامہ دیاں چنگیاں سہولتاں یقینی بنڑیسوں،عام لوکاں کوں وی سرکاری ہسپتالاں اچ علاج دی اوھا سہولت ملسی جیڑھی امیراں کوں نجی ہسپتالاں اچ ملدی اے۔