اسلام آباد ۔ 12دسمبر(اے پی پی) وفاقی وزیر امور کشمیر و گلگت بلتستان علی امین خان گنڈاپور آکھیے جو گلگت بلتستان اچ سیاحت، معدنیات اتے ہائیڈل پاور دے شعبے دی ترقی تے خطے دی خوشحالی اچ اہم سنگ میل ثابت تھیسی ،وزارت امور کشمیر سرکاری شعبے دے ترقیاتی پروگرام دے حوالے نال گلگت بلتستان کوں بھرپور معاونت ڈیندی پئی اے ، گلگت بلتستان اچ پن بجلی دے شعبے اچ بہوں سارے موقع تے صلاحیت موجود اے ۔ خمیس کوں وزارت امور کشمیر و گلگت بلتستان اچ ہر سرکاری شعبے دے ترقیاتی پروگرام دے تحت منصوبیں تے پیشرفت دے حوالے نال اجلاس منعقد تھیا جیں دی صدارت وزیر امور کشمیر و گلگت بلتستان علی امین گنڈا پور کیتی۔ اجلاس اچ گلگت بلتستان اچ سرکاری شعبے دے ترقی دے پروگرام دے تحت پن بجلی منصوبیں تے تفصیلی بریفنگ ڈتی گی ۔ اجلاس کوں ڈسایا گیا جوج گلگت بلتستان اچ 34 میگاواٹ ہارپو، 16 میگاواٹ نلتر تھری اتے 32 میگاواٹ عطا آباد ہائیڈل منصوبیں تے کم تھیندا پئے ۔ اجلاس اچ منصوبیں دی تکنیکی و مالیاتی صورتحال دا جائزہ گھدا گیا ۔ اجلاس اچ علی امین گنڈا پور متعلقہ حکام کوں ہدایت کیتی جو منصوبیں کوں وختی مکمل کیتا ونجے ۔
