اسلام آباد ۔ 14 دسمبر (اے پی پی) وزیر خارجہ مخدوم شاہ محمود قریشی آکھیے جو پاکستان ایں گال تے یقین رکھیندے جو امریکی صدر ڈونلڈ ٹرمپ دا طالبان نال ولا مذاکرات شروع کرنڑ دا فیصلہ ہک مثبت پیشرفت اے جیں نال افغانستان تے خطے اچ امن تے استحکام دے قیام اچ مدد ملسی ۔ دفتر خارجہ توں اتھاں ہفتے کوں جاری پریس ریلیز دے مطابق وزیر خارجہ امریکی سفیر تے افغانستان مفاہمتی عمل کیتے خصوصی نمائندے زلمے خلیل زاد دے نال گزریل ڈینھ ملاقات اچ گال مہاڑ کریندے ہوئیں آکھی اے ۔ وزیر خارجہ شاہ محمود قریشی افغان امن تے مفاہمت دے عمل اچ سہولت دے کردار دے نال ودھ سارے تعاون دے عزم دا اعادہ کیتا ۔ زلمے خلیل زاد وزیر خارجہ کوں افغان امن عمل دے حوالے نال تازہ ترین صورت دا ڈسایا ۔
