اسلام آباد ۔05 دسمبر (اے پی پی)پاکستان اکیڈمی ادبیات دے نویں بنڑنڑ آلے چیئرمین ڈاکٹر محمد یوسف خشک آکھیا جو پاکستان دی ہرزبان اچ عالمی معیار دا ادب تخلیق تھیندا پے،ادیباں دی آواز دنیا تئیں پجاونڑ دی پوری کوشش کریساں،پڑھنڑ دے عمل کوں عشق دی حد تئیں گھن ونجنڑ ضروری اے،ٹیم ورک تے یقین رکھینداں،ادیباں وچال رابطے ودھاونڑ سانگے پورے ملک دے ادیباں دی ہک کمیٹی بنڑائی ویسی۔اے گالھیں انہاں اے پی پی نال خصوصی گالھ مہاڑ کریندیں ہوئیں آکھی۔واضح رہے جو وفاقی کابینہ پاکستان اکیڈمی ادبیات دے سربراہ دی حیثیت نال شاہ عبداللطیف یونیورسٹی خیرپور دے و وائس چانسلر نامور ادیب اتے اسکالر ڈاکٹر محمد یوسف خشک دی ترائے سالہ مدت سانگے تقرری دی منظوری ڈتی اے۔ڈاکٹر محمد یوسف خشک آکھیا جو پاکستان دی ہرزبان اچ عالمی معیار دا ادب تخلیق تھیندا پے،ادیباں دی آواز دنیا تئیں پجاونڑ دی پوری کوشش کریساں۔ادبی ایوارڈ دی ونڈ بارے ڈاکٹر خشک آکھیا جو جڈاں میرٹ تے ایوارڈ ملسن تاں اداریاں دی ساکھ بحال تھیسی اتے اکیڈمی ادبیاب اپنڑے ماضٰ دی روایت برقراررکھیندیں ہوئیں ایں عمل اچ بئی شفافیت گھن امسی اتے میڈی کوشش ہوسی جو جئیں ڈینھ ادبی ایوارڈ دا اعلان ہووے او اعلان جیوری کرے جئیں اے فیصلہ کیتا ہووے اتے عالمی سطح تے وی ایندیں تھیندے جو جیوری ای ایوارڈ دا اعلان کریندی اے اتے اساں ڈے وی اینویں ہوونڑاں چاہیدے تانجو کوئی گالھ نہ کر سگے۔انہاں آکھیا جو پاکستان دی ادبی برادری دا احسان مند ہم جنہاں میڈی تقرری تے نیک خواہشات دا اظہار کیتے،میں ادیباں دی امید تے پوا لاہونڑ دی پوری کوشش کریساں۔چارج بارے ڈاکٹر خشک آکھیا جو اجاں تئیں نوٹیفیکیشن کائنی ملیا ،جینویں ای نوٹیفیکیشن ملسی میں اپنڑے عہدے دا چارج گھن گھنساں۔
