کراچی۔ 19 دسمبر (اے پی پی) پاکستان اتے سری لنکا وچال ڈو ٹیسٹ میچاں تے مشتمل سریز دے ڈوجھے تے چھیکڑی ٹیسٹ میچ اچ پاکستان اچ پاکستان کرکٹ ٹیم دے کپتان اظہر علی ٹاس جت تے پہلے بیٹنگ دا فیصلہ کیتے۔ خمیس کوں نیشنل سٹیڈیم اچ شروع تھیونڑ آلے پنج ڈینھ دے ٹیسٹ میچ اچ پاکستان دی ٹیم اچ ہک تبدیلی کیتی گی اے یاسر شاہ کوں ٹیم اچ رلایا گے جڈاں جو بئے کھلاڑیاں اچ کپتان اظہر علی، شان مسعود، عابد علی، بابراعظم، اسد شفیق، حارث سہیل، وکٹ کیپر محمد رضوان، محمد عباس، شاہین شاہ آفریدی اتے نسیم شاہ شامل ہن۔ اینویںسری لنکا دی ٹیم اچ کپتان ڈیموتھ کرونارتنے، اوشادہ فرنینڈو، کوثل مینڈس، انجیلو میتھیوز، دینش چندیمل، وکٹ کیپر نیروشن ڈیک ویلا، دھنن جیا ڈی سلوا، دلروان پریرا، ویشوا فرنینڈو، لاستھ ایمبول ڈینایا اتے لاھیرو کمارا کوں رلایا گے ۔
