پاکستان ہنگری نال اپنڑے تعلقات کوں اہمیت ڈیندے ،ڈوہیں ملکاں وچال تے یورپی یونین دی سطح تے رابطے ودھاونڑ چاہندوں ،صدر مملکت ڈاکٹر عارف علوی دی ہنگری کیتے پاکستان دے نامزد سفیر محمد اعجاز نال گال مہاڑ

اسلام آباد ۔ 3 دسمبر (اے پی پی) صدر مملکت ڈاکٹر عارف علوی آکھیے جو پاکستان ہنگری نال اپنڑے تعلقات کوں اہمیت ڈیندے ،ڈوہیں ملکاں وچال تے یورپی یونین دی سطح تے رابطے ودھاونڑ چاہندوں۔ ڈوہیں ملکاں وچال ڈو پاسے تجارتی حقیقی صلاحیت توں گھٹ اے ،پاکستان مقبوضہ جوں تے کشمیر اچ فسطائی بھارتی حکومت دے ہتھوں انسانی حقوق دیاں سنگین خلاف ورزیاں تے کڈاہیں چپ کائناں رہسی کشمیری بھراویں دے رلے تھیسی ۔اے گال انہاں منگل کوں اتھاں ہنگری کیتے پاکستان دے نامزد سفری محمد اعجاز نال گال مہاڑ کریندے ہوئیں آکھی اے جنہاں ایوان صدر اچ انہاں نال ملاقات کیتی ۔صدر مملکت آکھیا جو پاکستان دے سارے ہائی کمشنرز تے سفیراں کوں مسئلہ کشمیر دا حقیقی پس منظر تے بھارتی جارحیت کوں اجاگر کرنڑاں چاہیدے ۔انہاں آکھیا پاکستان ہنگری نال تعلقات کوں اہمیت ڈیندے ڈوہیں ملکاں وچال تجارت ودھانڑ دی ضرورت اے ،۔ پاکستان اچ سرمایہ کاری تے خاص طور تے توانائی، زراعت، فوڈ پروسیسنگ اتے دوائیں دے شعبے اچ بہوں سارے موقع موجود ہن ۔ایندے کیتے نامزد سفیر کوں ہنگری اچ پاکستان دے اقتصادی اتے تجارتی مفادات کوں اگی تے ودھاونڑاں چاہیدے تے موجودہ ادارہ جاتی طریقہ کار کوں استعمال اچ گھن آونڑاں چاہیدے۔