ملتان ۔02 دسمبر (اے پی پی)جنوبی پنجاب دے کرکٹ شائقین سانگے وڈی خوشخبری ملتان کرکٹ سٹیڈیم اچ پی ایس ایل دا میلہ سجسی،توقع اے جو ملتان اچ پی ایس ایل دے پنجویں سیزن اچ پنج میچ کھیڈیے ویسن۔ایں بارے سکیورٹی دی صورتحال دا جائزہ سانگے سٹی پولیس آفسیرمحمد زبیردریشک اتے ڈپٹی کمشنر ملتان عامر خٹک نال ایسٹرن سٹار انٹرنیشنل دے غیر ملکی سکیورٹی وفد ملاقات کیتی۔سکیورٹی وفددی قیادت مسٹر ریجڈکسن اتے ڈیوڈ سمینر کریندے پن۔ملاقات اچ پاکستان کرکٹ بورڈ دے ڈائریکٹر سکیورٹی انٹرنیشنل کرنل(ر) آصف محمود اتے میجر(ر) اظہر عارف, ایس ایس پی کاشف اسلم اتے سی ٹی او ہمانصیب وی موجود ہن۔ سٹی پولیس آفیسر محمدزبیر دریشک آکھیا جو پولیس اتے انتظامیہ ملتان اچ پی ایس ایل میچز کراونڑ سانگے تیار اے۔
