اسلام آباد ۔ 2 دسمبر (اے پی پی) وفاقی وزیر برائے منصوبہ بندی، ترقی، اصلاحات تے خصوصی اقدامات اسد عمر آکھیا جو پی ٹی آئی دی سیاسی جدوجہد دا مقصد ای نینگراں دی ترقی اے،ساریاں توں ودھ روزگار اتے چھوٹے درمیانے دے کاروبار روزگار پیدا کریندن۔اے گالھیں انہاں قائداعظم یونیورسٹی اچ کامیاب جوان سٹارٹ اپ پاکستان پروگرام نال خطاب کریندیں ہوئیں آکھی۔اسد عمر آکھیا جو پاکستان کوں ایں لحاظ نال بے ملکاں تے برتری حاصل اے جو ملکی آبادی اچ نینگراں دا تناسب ودھ اے۔نینگر نسل کوں مضبوط اتے بااختیار بنڑاونڑ حکومت دی ذمہ واری اے اتے نینگر اساڈا اصل اثاثہ ہن۔
