اسلام آباد ۔ 12 دسمبر (اے پی پی) وفاقی وزیر ریلوے شیخ رشید احمد آکھیے جو اہم ڈینھ شروع تھی گن ،آندے کجھ ڈینھ اچ پلی بارگیننگ دے بہوں سارے کیس آسن ، الیکشن کمیشن دی تشکلی کیتے اتفاق رائے ملک تے قوم کیتے بہتر ہوسی ،2013تے 2018دے نتیجے وی کائنی منیے گے اے روایات ختم تھیونڑیں چاہیدی اے ،جت ونجن تاں الیکشن کمیشن دا کوئی ثانی کائنی ہوندا اگر ہر ونجن تواں دھاندلی دی کوئی مثال کائنی ہوندی اے دوہرا معیار اے اینکوں ختم تھیونڑاں چاہیدے ۔ او خمیس کوں بحریہ یونیورسٹی اچ تقریب نال خطاب تے صحافیاں نال گال مہاڑ کریندے پئے ہن ،وفاقی وزیر ریلوے آکھیا جو پاکستان اچ وسائل گھٹ کائنی ، نینگر اپنڑاں کردار نبھاون ۔ انہاں آکھیے جو حکومت ملک دی ترقی کیتے وسائل کوں ٹھیک طریقے نال استعمال کرنڑ کیتے اپنڑیاں ساریاں صلاحیتاں تے وسائل تے کم کریندی پئی اے ۔ انہاں آکھیے جڈاں ملک دی معیشت تکڑی ہوندی اے تاں ملک وی ترقی کریندے ،اساکوں اپنڑی افرادی قوت کوں درست طریقے نال استعمال کرنڑاں ہوسی ۔ انہاں آکھیے جو پاکستان اچ نینگراں دی آبادی 60فیصد اے ، اساکوں انہاں تے خصوصی توجہ کرنڑیں اے تاں جو نینگر اساڈی طاقت بنڑ تے ملکی تعمیر تے ترقی اچ اہم کردار ادا کرن ، نینگر اساڈے روشن مستقبل دی ضمانت ہن ۔ وفاقی وزیر ریلوے آکھیا جو افرادی قوت دے لحاظ نال پاکستان وکھرا نظام رکھیندے ،باہرلے ملکاں اچ وی افرادی قوت پاکستانی ڈیندے پن تے ملک دے اندر وی انہاں جیہا کوئی کائنی ۔بعد اچ میڈیا نال گال مہاڑ کریندے ہوئیں انہاں آکھیا جو اہم ڈینھ ہن جو پاکستان اچ پلی بارگیننگ دے بہوں سارے کیس آونڑ آلے ہن ۔ انہاں آکھیا وکلاءکل غلط کم کیتے ایندے نال وکلاءدا امیج خراب تھئے الیکشن کمیشن اتفاق نال پورا تھیونڑاں چاہیدے ۔ انہاں آکھیے جو حکومت عوام کوں مہانگ ، بے روزگاری، بجلی اتے گیس دے بلاں دے مسئلے توں لوکاں دی جند چھڑویسی ۔ بھارتی شہریت دے متنازع قانون دے ذریعے صرف ہندواں کوں آباد کرنڑ چاہندے باقی مذہب دی اتھاں گنجائش کائنی ۔شہریت دے حوالے نال مسلمان اتھاں 10ویں نمبر تے وی کائنی آندے ، اے کیرھا نظریہ اے ، نریندر مودی فاشسٹ بنڑ تے اگوں آندا پئے جیرھا جو بھارت اچ سکھاں ، مسلماناں سمیت ساری اقلیت کیتے ہک وڈا خطرہ اے ۔
